Ek het baie getwyfel oor of ek die kursus moet aanpak of nie, die geld was skraps en ek sou dit sekerlik op ander maniere beter kon aangewend. Maar nadat ek ‘n paar maande uitgestel het, met net ‘n drukstuk in my dagboek-stelsel, het ek op laas oë toegeknyp en ingeskryf, vinnig die geld elektronies inbetaal en sie daar, ek kon begin. Glo my dit is nie my eerste selfhelp kursus nie, so ek was aanvanklik maar skepties.
Jy het nie gesê dit gaan maklik wees nie, jy het wel gesê daar is geen kort paaie nie. En om soggens vroeër as gewoontlik op te staan om die taak deur te werk en die huiswerk te doen, het ook sy deel geëis. Maar vandag is ek ‘n beter mens.
Ek is van nature ‘n militaris, maar om die een of ander rede het my dissipline die afgelope paar jaar getaan, met die gevolg dat ek nie meer so getrou die basiese dinge gedoen het in my werk, soos ek destyds gewoond was nie, en wat my sukses moet verseker het nie.
Maar met Kaizen, het ek elke dag, een dag op ‘n slag, voetjie vir voetjie, my kop en voete opgetel en vorentoe beweeg, en stadig maar seker begin ek sien hoe die sukses inrol.
Ek was op die punt om my werk te verloor, maar deur elke dag bietjie vir bietjie te verbeter sien ek ‘n blink toekoms vir my en my gesin. Ek glo in visualisering en het genoeg ervaring en ondervinding daarvan om te weet dat dit werk. So nou doen ek my daaglikse oefening. Ek het al die lesse uitgedruk en hou dit op leêr naby my en as ek ‘n blaaskans kry loer ek daarin, herinner ek my weer aan die dinge wat saak maak.
Ek lees nou weer daagliks Bybel, doen daagliks oefeninge, en fokus op als wat positief is en met groot dankbaarheid in my hart oor almal en alles wat my lewe aangenaam maak.
In les 49 het ek gesê ek begin nou weer van vooraf, want dit is net onmoontlik om alles in 49 behoorlik te absorber, en so hou ek aan met groei.
If you like this article, please click on the `Digg` image below. I'd appreciate it!
