Sewe maal sewe = 49 dae om ‘n lewe te red…
My dae was gevul met die najaag van klas 3 ervarings; soos ‘n hond wat sy eie stert jaag het ek van die
oggend tot die aand my sinnelose lewe nagejaag en in die proses my werklike welfaart en geluk begin verloor.
Gelukkig het die Here gekom en my tot in my fondamente geskud om my sluimerende gees wakker te maak vir ‘n lewe van oorvloed en welfaart saam met my vrou.
Net voor ek die res van my ervaringe van die afgelop 49 dae met jou deel moet ek net dit duidelik maak wat ek geleer het wat welfaart vir my beteken. Welfaart is om saam met my vrou te kan wees, om met haar te kan gesels, om by haar te kuier, om saam kos te maak en te kan geniet, om saam met haar huistakies te verrig, om saam met haar goeie musiek te waardeer, om saam met haar te oefen, om saam met haar die lewe te kan ervaar. Sy is die wonderlikste mens op aarde en ek het haar amper verloor.
Die volgende veranderinge het plaas gevind:
1) Spiritueel: Die Here was ons genadig gewees en het ons harte gevul met die Heilige Gees. Dankie Here vir U genade.
2) Verhoudings: My verhouding met my vrou, met wie ek die afgelope 6 jaar getroud is, is van voor af weer versterk deur God se ganade. Dankie Here.
3) Verhoudings: Ek het meer waardering vir my familie & vriende. Dankie Here.
4) Verstand: My gees is bevry om in beheer te wees van my liggaam en is daarop gerig om my gedagtes positief te rig op klas 1 ervaringe. Dankie vir U wysheid Here.
5) Gesondheid Ek het opgehou om sjokolade en chips te eet. Ek het 200 – 300g sjokolade per dag ge-eet en ten minste ‘n groot pak chips. Verder het ek 4kg verloor en ek het saam met my vrou begin oefen. Sy ondersteun en help my baie. Ons volg nou saam ‘n gesonde dieet. Dankie Here dat ons gesond kan wees.
6) Finansieel: Ons is aktief besig om in ons self te investeer om meer te leer oor welfaartskepping. Ons uitgangspunt is dat geld net ‘n middel tot ‘n doel is en ons doel is om saam meer tyd te kan spandeer om die lewe saam te kan ervaar en met makaar te kan deel. Dankie Here vir die oorvloed wat U aan ons voorsien. Ons het meer as genoeg om van te lewe. Dankie Here vir ons daaglikse brood.
Hannes, ja jy as instrument van God speel ‘n belangrike rol in die geheel van dinge. Alle voorspoed met jou “opdrag”.
If you like this article, please click on the `Digg` image below. I'd appreciate it!
